अँगना में कोसिया भरावेली

पोड़े- पोड़े उखवा छठिय माई घटवा पऽ बरती चढावेली हो।-२
अंगना में कोसिया भरावेली गुन- गीत गावेली हो।-२

कठिन बरतिया कठिन बा नियमवा
तोहरे में रमल बडुवे छठि माई मनवा।-२

धीरे-धीरे देत भूइपरिया छठिय माई के, घटवा पऽ आवेली हो-२
अंगना में कोशिया भरावेली गुन- गीत गावेली हो।-२

सुपवा में सेउवा अनरवा आ केरवा
नरियर के फल लेई खाड़ देखीं बेरवा-२

भोरे भोरे खाड़ होके क्षीर बीच दिनकर के बरती मनावेली हो।-२
अंगना में कोशिया भरावेली गुन- गीत गावेली हो।-२

शुकुल सचिन खाड़ छठि दरबरवा
सत्यम आदित यामिनी गावे भजनवा-२

पोरे पोर पुलकित तिवाई ध्यान धरेली आसरा लगावेली हो।-२
अंगना में कोशिया भरावेली गुन- गीत गावेली हो।-२

✍️ संजीव शुक्ल ‘सचिन’