Khuch Lamhe
Mai Khuch lamhe udhar lekar,
Tujh sang bitane ayi hu.
Mai jami se chad chura kar
Tera Aasman bharne ayi hu.
Jo khalish bachi hai armano ki,
Usse khud me , vistar karne ayi hu.
Mai chattano ke darak se pighal kar,
Tujhme kal kal bahne ayi hu.
Shitalata ki pahchan lekar ,
Mai tulsi banne ayi hu.
Ek nayi umang saji ho jissme ,
Uss rah par chalne ayi hu.
Kya paya hai, kya khoya maine,
Ab uska hisab karne ayi hu.
Mai lambi khamoshi ke bad ,
Apni geet ka rag bharne ayi hu .
Mai apni hi galtiyo ka ab,
Inam banne ayi hu .
