സങ്കടപ്പുഴയിൽ.
കവിത
_________________________
കഴിയില്ല ഉള്ളിലൊതുക്കീടുവാൻ.
കഴിയില്ലയാരോടും ഉരിയാടുവാൻ.
കഴിയില്ല സങ്കടപ്പുഴ നീന്തുവാൻ,
കുഴയുന്നു കൈകളും കാൽകളും.
കദനം കഥിക്കാൻ ഒരുങ്ങുമ്പോഴോ
നിറയുന്നു കണ്ണുകൾ ,
ഇടറുന്നു വാക്കുകൾ.
വിതുമ്പുന്നു അധരങ്ങൾ ; അറിയാതെ
വിറയാർന്നു പോകുന്നു ഞാനും.
കഴിയില്ലയീ യാത്ര മതിയാക്കുവാൻ
കഴിയില്ലയീ യാത്ര തുടരുവാനും .
അറിയില്ല മുന്നിലെ വഴിയിലായി,
ഇനിയെന്തു കാര്യങ്ങൾ കാത്തിരിപ്പൂ.
അറിയുവാനാർക്കും കഴിവുമില്ല
എന്താണു ഭാവിയെന്നുള്ള കാര്യം.
വരികൾ
ഹീര ഷൺമുഖം
