होली बरसाने की
।।जय श्री राधेकृष्ण।।
————————–
आज श्री राधारानी के बरसाने धाम में रँगीली होली हो रही है । इस अवसर पर प्रस्ततुत है ये रसिया …!
होरी बरसाने की
***************
होरी खेल रह्यौ नँदलाल, कन्हैया वंसीवारौ ।
कन्हैया वंसीवारौ, रे कन्हैया वंसी वारौ ।।
*
सज-धज बरसाने आयौ,
ग्वालन कौ टोला लायौ,
चंदन चमकै गालन भाल, कन्हैया वंसीवारौ ।
*
घेरीं गलियन में गोरी ,
फिर खेली जी भर होरी,
रे आँखन में डोरा लाल, कन्हैया वंसीवारौ ।
*
नैनन में नैन फँसाये,
होरी के रसिया गाये,
नाचैं मटकैं झूमैं ग्वाल, कन्हैया वंसीवारौ ।
*
यानै घूँघट फार उघारे,
गुलचा गोरिन नै मारे,
याके भये कपोला लाल, कन्हैया वंसीवारौ ।
*
मिल धूमस बड़ौ मचायौ,
रँग मल-मल गाल लगायौ,
बाँकी टेढ़ी याकी चाल, कन्हैया वंसीवारौ ।
*
गुजरिन नै लट्ठ सम्हारे,
घेरे गलियन में सारे,
बरसौ प्रेम अबीर गुलाल, कन्हैया वंसीवारौ ।
*
बरसाने में रँग बरसै,
मन देख-देख कै सरसै,
जो भी देखै होय निहाल, कन्हैया वंसीवारौ ।
***
– महेश जैन ‘ज्योति’,
मथुरा।
***
