” हम त सुपर स्टार छी “
( व्यंग )
डॉ लक्ष्मण झा ” परिमल ”
==============
हमरा नाटकीय मंच भेटगेल .. आब हम अप्पन अभिनय सं लोग कें परिचय करायब ..बहुत दिनक बाद इ सुअवसर हमरा भेटल अछि …आइ हम अंगद बनि जायब ..मजाल अछि किनको जे हमरा टस सं मस क’ देताह ? ..पहिने त वाध्य यन्त्र कें कान कनैठी देत लगा देबनि घंटो धरि..तखन शास्त्रीय संगीत मे सरस्वती वंदना ..आलाप लेत एकटा पंक्ति कें दस बेर लोगकें सुनेबनि ….आब हमर गीत सुनू…आब हमर कविता सुनू…बीच-बीच मे अप्पन एयर विमानक यात्राक वर्णन सेहो सूनेबनि …हम मिमिक्री सेहो करैत छी..आइये त हमरा मौका भेटल अछि …श्रोता लोकनि कें नीक लगनि वा नहि …हम आइ स्टेज मे धम्गज्जर करैत रहब …व्यवस्थापकक अनुरोधो पर हम रंगमंच नहि छोड़ब….दर्शक लोकनि आँखि मुनि ..कान मे तूरक ठेपी लगा हमरा उन्फोल्लो क’ लेथि..कियो हमरा अनफ्रेंड क’ लेथि …हुनका नहि नीक लगतनि त परिसर छोडि जा सकैत छथि…हमरा ब्लाक क देताह त क देत…कोनो हर्ज नहि..मुदा हम फेस बुकक स्टेज नहि छोड़ब !….आनक अभिनय ,कविता ,लेख इत्यादि सं हमरा की ?….” हम त सुपर स्टार छी ” ….!!
==============
डॉ लक्ष्मण झा ” परिमल ”
साउंड हेल्थ क्लिनिक
एस .पी.कॉलेज.रोड.
दुमका
झारखंड
भारत
