सलहेस:किंग आफ मांउटेन बनाम किंग आफ मिथिला

सलहेस: किंग आफ मांउटेन बनाम किंग आफ मिथिला।
-आचार्य रामानंद मंडल
मिथिला के राजा सलहेस पर एगो मैथिली फ़िल्म बन रहल हय।जेकर नाम सलहेस :किंग आफ मांउटेन राखल गेल हय।जौंकि फिल्म के नाम सलहेस; किंग आफ मिथिला होय के चाही।अइ संदर्भ मे राजा सलहेस के बारे मे जानकारी आवश्यक हय।
मिथिला मे लोकदेवता के रूप मे पूज्य राजा सलहेस के जन्म पांचवी वा छठी शताब्दी मे मिथिला राज के मोरंग क्षेत्र अब नेपाल मे रहे।हिनकर माता के नाम शुभ गौरी आ पिता दुसाध वंशी सोमदेव रहे। वो दो भाई रहलन।हिनका एकटा बहिन बनस्पति रहे।हिनकर बिआह विराटनगर के राजा हलेश्वर के बेटी सत्यवती सं भेल रहे।बाद मे तरेगनागढ के राजा भंडारी के चारो बेटी सं प्रेम विआह कैलन। भंडारी माली जाति के रहे।अइमे कुसमा अनिंद्य सुन्दरी आ बुद्धिमान रहे।
राजा सलहेस मिथिला राज के राजधानी मेहसौथा (अब नेपाल) मे बनैलन। राजा सलहेस के मूल नाम जयवर्धन रहे। परंतु मिथिला के तिब्बती के आक्रमण सं मिथिला के रक्षा कैलन।अइ क्रम मे हिनकर ज्यादा समय हिमालय क्षेत्र मे बितल। तिब्बत सं रक्षा क्रम मे हिमालय जेका तिब्बती आक्रमण के रोके के लेल लोग हुनका पर्वत राज सं पुकारे लागल अर्थात शैलैश कहे लागल।
इतिहासकार ब्रजकिशोर वर्मा मणिपद्म के अनुसार सलहेस अर्थात शैलेश का लोकभासा मे परिवर्तित रुप हय।जेकर अर्थ पर्वत के राजा होय हय।
निस्कर्सत: किंग आफ मांउटेन हिनकर लोकपदवी हय।जौंकि सलहेस किंग आफ मिथिला रहथिन।तैला फिल्म के नाम सलहेस: किंग आफ मिथिला होय के चाही। अंततः राजा सलहेस शोषण के विरुद्ध शोषक सं आजीवन लड़लन। परंतु आइ फिल्म के बहाने शोसित भे रहल हय,कहल जायत।
@आचार्य रामानंद मंडल सामाजिक चिंतक सह साहित्यकार सीतामढ़ी।