समाज के बदल दअ

तू जोर-जबरजस्ती के
रिवाज के बदल दअ
जो इहे समाज हअ तअ
समाज के बदल दअ…
(१)
ऊंच-नीच, छुआछूत औरी
भेद-भाव से भरल
भारत के जाति-वादी
मिजाज के बदल दअ…
(२)
हर हाल में गावे के बा
गीत प्यार के तहरा
जेइसे तनको सुर बिगड़े
वो साज के बदल दअ…
(३)
मानवता से बड़ा कवनो
दुनिया में धरम नइखे
बर्बरता सीखावे वाला
किताब के बदल दअ…
(४)
सत्ता से सवाल कइला के
सजा बा सूली जहां
मशाल बनके ज़ुल्मत के
वो राज के बदल दअ…
(५)
मुजरिम के पक्ष में कबले
अदालत के निर्णय आई
ये सामंती व्यवस्था के
अंदाज़ के बदल दअ…
#Geetkar
Shekhar Chandra Mitra
#इंकलाब #बगावत #क्रांतिकारी #rebel
#जनवादी #विपक्ष #दल #bollywood
#शेखर_चंद्र_मित्रा #बेरोजगार #lyricist
#Opposition #bhojpuri #lyrics
#change #youths #revolution