लोरी (Lullaby)
तहार पापा आवत होइहें
गुड्डा-गुड़िया लावत होइहें
तू प्यारा सपना में खोजा
हमार बिटिया तबले सोजा-२
(१)
आज काहे एतना रोवेलू
तू आपन गाल भिंगोवेलू
ई आंसू हअ सच्चा मोती
झूठ में एकरा के खोवेलू
तहार पापा आवत होइहें
लड्डू-पेड़ा लावत होइहें
तू मीठा सपना में खोजा
हमार बिटिया तबले सोजा-२
(२)
छोटा-बड़ा सगरी बात पर
एतना जीद भी ठीक नाहीं
चलअ-चलअ अब तू हंस दअ
एतना खीस भी ठीक नाहीं
तहार पापा आवत होइहें
घाघरा-चोली लावत होइहें
तू सुंदर सपना में खोजा
हमार बिटिया तबले सोजा-२
#Geetkar
Shekhar Chandra Mitra
#baby #लोरी #bollywood
#शिशु #song #नींद #girls
#sleeping #beauty #lullaby
#lyricist #गीतकार #कवि #मां
