भोजपुरी (कजरी)

अरे रामा रिमझिम बरसे बदरवा, सजन नाही घरवा ए रामा।

सुनऽ अङ्गवा बा सुनऽ भवनवा।
साजन बिना सखि सुनऽ विहनवा।
अरे रामा सुनऽ बा कङ्गना गहनवा—
सजन नाही घरवा ए रामा।।

सुनऽ बा पायल कि सुनऽ बा बिंदियां।
साजन बिना सखि उड़ गई निंदिया।
अरे रामा धुमिल सेनुरा, कजरवा–
सजन नाही घरवा ए रामा।।

टीस उठे मनवा न भावे बदरिया।
रहि – रहि धावेला काटे सेजरिया।
अरे रामा ढूंढ़े बलम के नयनवा—
सजन नाही घरवा ए रामा।।

✍️ पं.संजीव शुक्ल ‘सचिन’