भले हमसफर ऊ…
मुहब्बत ये दिल के दवा हो गइल बा
भले हमसफर ऊ जुदा हो गइल बा
भले दिल मुहब्बत में मजबूर होला
कबो फूल से ना महक दूर होला
महक से ई पावन फ़िज़ा हो गइल बा-
भले हमसफर ऊ जुदा हो गइल बा
भले दूर बाटे, बा दिल में समाइल
खुशी, दर्द में जे सदा याद आइल
ई दिल आज ओकर पता हो गइल बा-
भले हमसफर ऊ जुदा हो गइल बा
रहेला ऊ नैनन में तस्वीर बन के
कबो भाव बन के कबो नीर बन के
मुहब्बत के जइसे खुदा हो गइल बा-
भले हमसफर ऊ जुदा हो गइल बा
– आकाश महेशपुरी
दिनांक- २१/०९/२०२१
