पतोहन के साथे करें ली खेल
चोरवावे ली चाउर नापे ली तेल
पतोहन के साथे करें ली खेल
अपने सूते बेटियन के सुतावेली
कान फूंक घर में आग लगावेली
बेटी दामाद राखे ली सालों साल
टिबोली मार मार पतोह भगावेली
बेचेली आम बड़हर और बेल
पतोहन के साथे करे ली खेल
पेंशन जब खाता में चली आवे
कहें जा तानी बीपी चेक करावे
पेंशन निकाल छोट लइका के दे ली
पतोहन के देख देख कोहरे ली
कलक्टर बाड़े उनका आगे फेल
पतोहन के साथे करें ली खेल ।
अकेलै अकेले खा ली बिरयानी
दस गो के अकेले पिया वेली पानी
कार ना करे के हजार गो बहाना
इमोशनल ब्लैकमेल के मारे ली ताना
देयादिन से न रखे कबो मेंल
पतोहन के साथे करें ली खेल
नूर फातिमा खातून नूरी
जिला कुशीनगर
उत्तर प्रदेश
