दू गो देश भक्ति मुक्तक

दू गो देश भक्ति मुक्तक
■■■■■■■■■■
भारत के माटी दुनिया में, सबसे सुनऽ महान हवे,
येही के किरिपा से हमनी, के भाई पहिचान हवे।
जनम मिलेला इहँवे पर आ, इहँवे से भोजन पानी,
हमनी के बा जिनिगी एसे, ई हमनी के जान हवे।।1।।

जे भारत के खातिर अपना, जिनिगी के बलिदान कइल,
भूखे रहलें लोग जवन आ, जवने लो विषपान कइल।
उनके ये बलिदान बदे अब, फर्ज इहे हमनी के बा,
चालू राखल जा दुष्टन के, शिद्दत से अवसान कइल।।2।।

– आकाश महेशपुरी
दिनांक- 16/07/2021