दिल टूटेला छने छन कई बेर हो
दिल टूटेला छने छन कई बेर हो
■■■■■■■■■■■■■■
दिल टूटेला छने छन कई बेर हो
प्यार में गम मिलेला बड़ी ढेर हो
केहू रोई ना त प्यार में का करी
चैन आवेला ना दिल के एको घरी
जिंदगी में अन्हरिया लेला घेर हो-
प्यार में गम मिलेला बड़ी ढेर हो
उ रूठल बा जबसे खुशी खो गइल
प्यार के धार में जिंदगी खो गइल
राह देखत सनम के भइल देर हो-
प्यार में गम मिलेला बड़ी ढेर हो
हमके हमरे से बाउर बना के गइल
रोग दिल के उ कइसन लगा के गइल
लागे दुनिया में बा खाली अंधेर हो-
प्यार में गम मिलेला बड़ी ढेर हो
– आकाश महेशपुरी
