डाकू आ सांसद फूलन देवी।
डाकू आ सांसद फूलन देवी।
-आचार्य रामानंद मंडल
बच्चा मे अप्पन गांव मे छठ के अवसर पर सुल्ताना डाकू नाटक देखले रही।धनी के लुटे आ गरीब मे बांटे।सुल्ताना डाकू,डाकू न समाजसेवी लागे।
कालेज लाइफ मे सिनेमा कच्चे धागे देख ली।रूपा सिंह आ माधो सिंह नाम के डाकू रहे। फिल्म के अंत मे वो डाकू न नेक आदमी लागे।
कालेजे लाइफ मे सिनेमा शोले देखली। जैमे गब्बर सिंह डाकू रहे।जे अंत तक डाकू लागल।
बाद मे जौं शिक्षक बन गेली त सिनेमा बैडिंट क्वीन देख ली जैमे डाकू फूलन देवी रहे। दलित शोषित समुदाय के फूलन के बचपन से लेके जवानी तक दैहिक शोषण होइत रहे।चरम स्थिति तब आइल जब बाइस गो सामंती लोग सामुहिक बलात्कार कैलक आ नंगा क के कुंआ से पानी भरे के लेल मजबूर कैलक।बाद में डाकू गिरोह बना के सभ बलात्कारी सामंती लोग के लाइन मे खड़ा क के गोली से मार देलक।बाद मे जेल से छूटल त सांसद बनल। परंतु एक सामंती फूलन देवी के गोली से भून देलक।आइ समाज के सामंती वर्ग के लेल वो हत्यारिन हय त दलित शोषित वर्ग के लेल देवी बनल हय।
-आचार्य रामानंद मंडल सामाजिक चिंतक सह साहित्यकार सीतामढ़ी।
