दिल टूट गईल
जे दीया जरावे आइल रहे
उहे जिया जराके चल दीहल
हाय चल दीहल
हमरा आंख में आंसू भरके
धीरे से मुस्कुराके चल दीहल
हाय चल दीहल…
(१)
एगो छोटा-सा घर होई
दूर इहां से कवनो गांव में
उनका साथे जाके रहेब
हम पीपल के ठंडा छांव में
हमरा सपना के मंदिर पर
आज बिजली गिराके चल दीहल
हाय चल दीहल…
(२)
जेकरा खातिर दुनिया छोड़नी
अपनन में भईनी बेगाना
हमरा जज़्बात से खेल गईल
ऊ समझके हमके दीवाना
तनी साथ दोसरा के का मिलल
हमसे हाथ छुड़ाके चल दीहल
हाय चल दीहल…
(३)
धोखा निकलल हो प्यार उनकर
झूठा निकलल उनकर वादा
जीते जी हमके मार गईल
चेहरा उनकर सीधा-सादा
हमरा पूजा के पावन फूल के
माटी में मिलाके चल दीहल
हाय, चल दीहल…
#Geetkar
Shekhar Chandra Mitra
#फनकार #ड्रीमगर्ल #सिनेमा #कवि
#गजल #गायक #love #bhojpuri
#copyright #dreamgirl #sad
#Romantic #lyricist #bollywood
