छात्र आंदोलन
कबले सही
केहू केतना सही
कहियो तअ
एहतिजाज करी
अपना पर जो
तुल जाई तअ
मजलूम जनता
इंकलाब करी…
(१)
लाठी चलावअ
जेल में डालअ
झूठा केस में
ओके फंसावअ
कुछ देर रोई-
फ़रियाद करी
अपना पर जो
तुल जाई तअ
महरूम जनता
इंकलाब करी…
(२)
खोल के आपन
आंख देख लअ
तू दुनिया के
इतिहास देख लअ
आपन बुलंद
आवाज़ करी
अपना पर जो
तुल जाई तअ
मुफलिस जनता
इंकलाब करी…
(३)
बरदाश करे के भी
सीमा होला
माफ़ करे के भी
सीमा होला
सत्ता के नशा
बर्बाद करी
अपना पर जो
तुल जाई तअ
मजबूर जनता
इंकलाब करी…
(४)
एतना ज़्यादा मत
जोश में आवअ
वक़्त रहते ही
होश में आवअ
नया दौर के
आगाज़ करी
अपना पर जो
तुल जाई तअ
महकूम जनता
इंकलाब करी…
#Geetkar
Shekhar Chandra Mitra
#अवामीशायर #इंकलाबीशायरी
#छात्रआंदोलन #लाठीचार्ज
#चुनावीशायरी #बहुजनशायरी
