अपणै गांव नै मत भूलजौ

दूर देशावर जावो भलै थ्है, पण अपणै गांव नै मत भूलजौ।
सीखो नुवां तौर तरीका, पण अपणां संस्कार नै मत भूलजौ।।
अपणावौ चाहै रीति कठै री, पण अपणी रीत नै मत भूलजौ।
बोलौ हिंदी इंग्लिश सब थ्है, पण मायड़ भासा नै मत भूलजौ।।

पहरो चाहे थ्है फैशन कपड़ा, पण आपणो पहनावों मत भूलजौ।
पढ़ावो टाबर इंग्लिश मीडियम में, पण आपणा संस्कार दैणा मत भूलजौ।।
खावौं पिज्जा बर्गर सब थ्है, आपणौं देसी खाणौ मत भूलजौ।
दूर देसावर जावौ भलै थ्है, पण अपणै गांव नै मत भूलजौ।।

बणावौ यार दोस्त सब थ्है, पण आपणां बड़ैरा नै मत भूलजौ।
मनावौ तैवांर अंग्रेजों रा, पण अपणां तैवांर मत भूलजौ।।
करजौ सगळी दुनिया सूं प्रेम थ्है, पण जलम भोम नै मत भूलजौ।
दूर देसावर जावौ भलै थ्है, पण अपणै गांव नै मत भूलजौ।।

जितेन्द्र गहलोत धुम्बड़िया..✍️