رام کے نام کی سب کو یہ دہائی دینگے
رام کے نام کی سب کو یہ دہائی دینگے
صرف نعروں میں تمہیں رام سنائی دینگے
وقت پڑنے پہ یہی لوگ بدل جاتے ہیں
جیت راون کی اگر ہو تو بدھائی دینگے
ان سا کردار کہاں آج نظر آتا ہے
کب تلک آپ گناہوں کی صفائی دینگے
رام مے نام پہ تم خوب لگا لو پہرے
بند آنکھوں سے سدا رام دکھائی دینگے
کوئی آدرش لبھاتا ہی نہیں ان کو
چھوڑ کر راج کہاں ون میں دکھائی دینگے
بیر جھوٹے ہی سہی پیار تو ارشدؔ دیکھے
بھکت شبری سے کہاں آج دکھائی دینگے
