“आसमान सँ खसलहूँ आ खजूर पर अटकलहूँ”
डॉ लक्ष्मण झा परिमल
==========================
नव यंत्रक आविष्कार सँ हमरलोकनिक जीवन मे नवीन क्रांतिक उदय भेल आ सम्पूर्ण कार्यकलाप बदलि गेल!आब हमरालोकनि पुरनका विधा केँ बिसरि रहल छी…डाक सेवा ….. …लिफाफ ..अंतर्देशीय पत्र …पोस्ट कार्ड ..टेलीग्राम आ विभिन्य कार्यकलाप क समय लुप्त भ गेल !………. आब इ अधिकांशतः संग्रालय आ इतिहास क पन्ना मे राखि देल गेल अछि !……. गूगल आ इंटरनेट क युगांतकारी उड़ान हमरा सब केँ क्षितिजक अंतिम छोर क ऊँच्चतम शिखर पर आनि रखि देलक ! ……. आब हमरालोकनि गाँम धरि सीमित नहि रहलहूँ । …शहर ………..जिला ………राज्य ………देश …….विदेश ….एतबे नहि सम्पूर्ण ब्रह्माण्ड हमरा लोकनिक मुठ्ठी मे संचित भ गेल …आ हम एकटा दिव्य “महानायक ” बनि गेलहूँ !
…………. लिखब ……सन्देश पठायब …….टेलीफोन ……..व्हाट्स एप्प …….स्कैप ………मैसेंजर ……..विडिओ कालिंग क माध्यम सँ हम सम्पूर्ण विश्व सँ जुड़ि गेल छी !……….. मित्र बनेबा क प्रतिस्पर्धा द्रुत गति सँ प्रारंभ भ गेल अछि ! ……परञ्च एहि विजय यात्रा मे कखनो -कखनो ह्रदय केराक पात एहन काँपय लगैत अछि !……..
मित्र बनेबा क उत्कंठा किनका नहि होइत छनि ?……. निरंतर हमरा फ्रेंड रिक्वेस्ट अबैत रहैत अछि !……. मित्रता क बंधन मे जुड़बाक उपरांत हम प्रायः -प्रायः सबकेँ स्वागत पत्र लिखैत छी !….. परञ्च अधिकांश लोक त ओहि संदेश केँ तिरस्कार क दैत छथि । ….कियो जे देखियो लैत छथि , त रद्दी क टोकरी मे फेंकि दैत छथि । …
कियो -कियो त लोक आन लोक केँ मूढ़ बनेबा क लेल ‘लाइक ‘ क देताह ! एकर अतिरिक्त किछु गोटे
“very good “ ….
nice …..
great …अच्छा लगा …
इत्यादि कहि कन्नी काइट जाइत छथि !…….
परञ्च हिनकर सजगता त देखू …मैसेंजर मे हाथ हिलेनाई ..HELLO …HI …करनाई आ यदि मौका लागल त व्हाट्स एप्प मे रासलीला क प्रदर्शन मे कोनो कसर नहि छोडताह !…………… आत्मीयता त अकर्मण्यता क आगि मे जरि रहल अछि !………….
हम आभार ..अभिनन्दन ..स्नेह ..स्वागत …सिरोधार्य …..बधाई …प्रणाम ………इत्यादि केँ फोटो साटि दैत छी ! …परञ्च दू आखर नहि लिखबाक चेष्टा करैत छी ! हमरा लोकनि किछु लिखि केँ वा बाजि केँ लोकक हृदय पर विजय प्राप्त क सकैत छी अन्यथा हमरा लोकनि खजूरे पर लटकल रहब !
=================
डॉ लक्ष्मण झा” परिमल”
साउंड हेल्थ क्लिनिक
एस. पी .कॉलेज रोड
दुमका
झारखंड
भारत
12.12.2022
