رمضان

تقدیر سے ملتا ہے یہ برکت کا مہینہ
ہم سب کو مبارک ہو یہ رحمت کا مہینہ

اے میرے خدا تجھ سے مری یہی دعا ہے
ہر سال دکھانا مجھے برکت کا مہینہ

لایا ہے ہمارے لیے جنت کی بہاریں
کیوں ہاتھ سے جانے دیں عنایت کا مہینہ

در کھل گئے جنت کے، شیاطین ہوئے قید
حاصل ہوا ہم سب کو عبادت کا مہینہ

دل صاف کرو چھوڑ دو نفرت کی یہ عادت
دیتا ہے یہ پیغام ہدایت کا مہینہ

توبہ کی گھڑی ہے یہ دعاؤں کا ہے موسم
ہر درد کا درماں ہے شفاعت کا مہینہ

اب جھوٹ کہاں تجھ کو پنپنےکی اجازت
اس شان سے آیا ہے صداقت کا مہینہ