तोहार कब हो जाई...!

. पूर्णिका ०००३

प्रारम्भी नेह:-
जवन कहबु ए रानी तवन सब हो जाई।
बोल-बोल करेजा तोहार कब हो जाई।।

हम होखते बियाह करवा लेईम गवनवां।
होव राजी त घरवे शिमला रब हो जाई।।नेह:-१।।

हमरे खातिर मायका तूँ हूँ छोड देहलु।
देख ससुरे पीहर क मज़ा तब हो जाई।।नेह:-२।।

कल जाते ही ड्यूटी पे क्वाटर ले लेईम।
बोल पोस्टिंग जयपुरवे में अब हो जाई।।नेह:-३।।

संग रहिह तूंहुँ बड़की मेमसाहब बन के।
जईह गँउवा तू मन तोहार जब हो जाई।।नेह:-४।।

परिचयी नेह:-
हउवे सबसे बड़ा सास ससुरें क ही सेवा।
बोली ‘चिद्रूप’ त चुप तोहार लब हो जाई।।
__________________________________________
©️®️ पूर्णिका-कार :- पाण्डेय चिदानन्द “चिद्रूप”
(सर्वाधिकार सुरक्षित ०९/०९/२०२५)
__________________________________________