( छत्तीसगढी ... हास्य - व्यंग्य मिडिया पुरान)
( छत्तीसगढी … हास्य – व्यंग्य मिडिया पुरान)
न्यूज चैनल के टीआरपी बढाब म नासाराम के बड़ योगदान रहिस हवय,
तभे कल तक कतको चैनल म बुढुवा संत के अब्बड़ गुनगान रहिस हवय।
बपरा उल्टा सीधा परवचन देके पच्चीस बछर म जतका भी हाथ मारिस,
वतका तो कतको चैनल वाले मन उंखर गुनगान कर दु दिन म कमा डारिस्।
अब उही लपरहा लालची चैनल वाले मन हा गोदी गोदी करत हवय
कतको चैनल बिदेसी पैसा पाय बर कई किसम के ओखी करत हवय।
अब के मिडिया वाले मन हा एके घटना के सौ ले ज्यादा कहानी गढथे,
अउ अलग अलख मनखे मन हा ओला बिलकुल आनी बानी समझथे।
आज अधिकान्स चैनल वाले मन ला केवल अपन कमाई से मतलब हवय,
उनला ना कोनो संत-नेता से मतलब हे,ना अपन ददा दाई से मतलब हवय्।
मिडिया के कारन ही भांटो जुच्छा झूठ हा घलोक सच लगे लग जाथे,
तहाँ ले हमर परबुधिया पब्लिक हा उही झूठ ला दुनिया भर म फैलाथे।
तहाँ ले हर गांव शहर गली मुहल्ला म अब्बड़ बवाल होय लग जाथे,
अउ हमर अंदर के अलाल अउ सोये ज़िन हा कुंभकरन कस जग जाथे।
( डॉ संजय दानी दुर्ग सर्वाधिकार सुरक्षित )