किछु नञ् कहू..

किछु नञ् कहू..
(मैथिली प्रेम गीत)

किछु नञ् कहू..
किछो नञ् कहू..
अहां दिल म’ रहैछी
बस दिले में रहू..
चंदा क इजोर सन,
अहांकऽ मुख अछि सुंदर
अहांकेऽ देखब जे नितदिन,
हम पहिले पहर.. 2
आतुर मोन हमर
बेचैन अछि आठो पहर ,
बिनु बाजने सुनैऽ छी
हम अहांकऽ स्वर.. 2
अहां रहू बस रहू
हमर सामने त’ रहू..
अहां दिल म’ रहैछी
बस दिले में रहू…2

किछु नञ् कहू..

रौद पसरल अछि सगरो,
छतरी नञ् ऊपर ,
अहां प्रेमक बसात स’,
जेना लगैए छाहैर..2
जिनगी केऽ सफर
बड़ कठिन अछि डगर ,
देखु अहां बिनु ई जिनगी
नञ् कटतैऽ हमर..2
अहां रहू बस रहू
हमर सामने त’ रहू ,
अहां दिल म’ रहैछी
बस दिले में रहू..

किछु नञ् कहू..

ई आंखि अछि हमर
नीन अहांकऽ मगर ,
सांस चलैये ई तन म’
अहां छी धड़कन हमर..2
अहां जननी छी जग में
त ई सृष्टि सँवर ,
अहां बिनु जिअब नञ् जग मे
हम त’ एक्को पहर.. 2
अहां रहू बस रहू
हमर सामने त’ रहू ,
अहां दिल म’ रहैछी
बस दिले में रहू..

किछु नञ् कहू..