ए. आई.

पहिली आइस कम्प्यूटर जी
तेकर ले नेट-रोबोट,
आदि ह पूछिस खुशी सो
एमा का हे बिसेस?

तइहा के गोठ ल बइहा लेगे
अब आगिस ए. आई.,
बिग्यानिक मन काम करत हें
जान लव मोर भाई।

आदि पूछिस- ए. आई. काये
थोकुन समझा दे दीदी,
आर्टिफिशियल इंटेलिजेंस होथे
समझ गए भाई आदि।

ए. आई. कइसे काम करही
तेन ला बतावौ दीदी,
गणित अउ तर्कशास्त्र मिल के
परिनाम बताही आदि।

लकिन डर ए बात के हावै
मसीन झन बिफरै भाई,
वरना अतका जान ले तैहाँ
मनखे के करही पिटाई।

डॉ. किशन टण्डन क्रान्ति
साहित्य वाचस्पति
अमेरिकन एक्सीलेंट राइटर अवार्ड प्राप्त
हरफनमौला साहित्य लेखक।