जस गीत

ई पत्रीका के छटवां अंक बर
===============.=

बिरही भिंगोए बर हो
तय आबे भवानी
बिरही भिंगोए बर न

पहिली दिन तय बिरही भिंगोबे
दुसर दिन जोत जलाबे
तिसर दिन चन्द्र घंटा माता
नाचत कुदत आबे
तय आबे भवानी बिरही भिंगोए बर न

चौथा दिन कुष्मांडा दाई
लंगुरे ल संग म लाही
पंचम दिन स्कंदमाता है
कलश ल ऊपर उठाई।।
तय आबे भवानी बिरही भिंगोए बर न।

छठम दिन कात्यायनी दाई
कालरात्रि ल धर आही
महागौरी आठवां दिन म
भक्तजन दर्शन कराही।।
तय आबे भवानी बिरही भिंगोए बर न।

नवां दिन म सिद्धि दात्री
सबके भाग जगाही
नव दिन नव रात्रि म
नवदुर्गा नजर आही
तय आबे भवानी बिरही भिंगोए बर न

चरणानुरागी
डॉ विजय कुमार कन्नौजे अमोदी आरंग रायपुर