कजरी - इंस्टाग्राम चलइबें ना

ए सइयाँ लाइ द हमके फोनवा
हम इंस्टाग्राम चलइबें ना

फोटो खींच के स्टाइल में
कब्बो एंगर कब्बो स्माइल में
के सोशल मीडिया पे बसे परनवा
एकरे बिन जी हम पइबें ना
ए सइयाँ लाइ द हमके फोनवा
हम इंस्टाग्राम चलइबें ना

वीडियो बनाईब रील्स बनाईब
पोस्ट करब हम सबके देखाईब
पूरा करब सगरो अरमनवा
और खूबै नाम कमाईबें ना
ए सइयाँ लाइ द हमके फोनवा
हम इंस्टाग्राम चलइबें ना

व्हाट्सप्प और एफ बी नाहीं भावे
इंस्टाग्राम के किस्सा सब सखी सुनावे
इहे चलावे अब सगरो जहनवाँ
न चलईबें ते पछितैबें ना
ए सइयाँ लाइ द हमके फोनवा
हम इंस्टाग्राम चलइबें ना
-सिद्धार्थ गोरखपुरी