#ਪੇਸ਼ਾਵਰ ਰੋਂਦਾ-ਏ ਜ਼ਾਰੋ-ਜ਼ਾਰ ਲੋਕੋ !

🙏
* ਮਨੁੱਖ ਕਿਸੇ ਵੀ ਜ਼ਾਤ, ਧਰਮ ਜਾਂ ਦੇਸ਼ ਦਾ ਹੋਵੇ ਚੂੰਢੀ ਵੱਢਿਆਂ ਦਰਦ ਇੱਕੋ ਜਿਹਾ ਹੁੰਦਾ ਹੈ | ਜੇਕਰ ਕਿਸੇ ਹੋਰ ਨਾਲ ਹੋਏ ਜ਼ੁਲਮ ਕਾਰਨ ਸਾਡਾ ਦਿਲ ਨਹੀਂ ਕੰਬਦਾ ਤਾਂ ਅਸੀਂ ਮਨੁੱਖ ਨਹੀਂ ਹਾਂ |

ਆਰਮੀ ਪਬਲਿਕ ਸਕੂਲ, ਪੇਸ਼ਾਵਰ ਦੇ ਬੱਚਿਆਂ ਦੀਆਂ ਚੀਖਾਂ ਅਤੇ ਉਨ੍ਹਾਂ ਦੇ ਮਾਪਿਆਂ ਦੀਆਂ ਵਰ੍ਹਦੀਆਂ ਅੱਖਾਂ ਨੂੰ ਅਣਡਿੱਠਾ ਕਰਨ ਵਾਲਾ ਕਦੇ ਵੀ ਆਪਣੇ ਲਈ ਹਮਦਰਦੀ ਦੀ ਆਸ ਨਹੀਂ ਕਰ ਸਕਦਾ |

* ਹਿਮਾਲਾ ਅਤੇ ਸਿੰਧੂ ਦੇ ਵਿਚਕਾਰਲੇ ਸਥਾਨ ਨੂੰ `ਹਿੰਧੂਸਥਾਨ` ਕਿਹਾ ਗਿਆ | ਜੋ ਕਿ ਬਾਅਦ ਵਿੱਚ `ਹਿੰਦੁਸਥਾਨ` ਤੇ ਫਿਰ `ਹਿੰਦੁਸਤਾਨ` ਹੋ ਗਿਆ |

ਬਲੋਚਾਂ ਦਾ ਦੇਸ਼ ਬਲੋਚਿਸਤਾਨ , ਪਸ਼ਤੂਨਾਂ ਦਾ ਪਸ਼ਤੂਨਿਸਤਾਨ , ਅਫਗਾਨਾਂ ਦਾ ਅਫਗਾਨਿਸਤਾਨ , ਕਜਾਕਾਂ ਦਾ ਕਜਾਕਸਤਾਨ , ਤਾਜਕਾਂ ਦਾ ਤਾਜਕਸਤਾਨ , ਉਜਬੇਕਾਂ ਦਾ ਉਜਬੇਕਸਤਾਨ ਆਦਿ-ਆਦਿ |

ਇਨ੍ਹਾਂ ਸਾਰੇ ਦੇਸ਼ਾਂ ਦੀ ਭਾਸ਼ਾ ਵੱਖੋ-ਵੱਖ ਹੋਣ ਦੇ ਬਾਵਜੂਦ ਸਾਰਿਆਂ ਦੇ ਨਾਮ ਦੇ ਪਿੱਛੇ ਇਹ `ਸਤਾਨ` ਕੀ ਹੈ ?

ਦਰਅਸਲ ਇਹ `ਸਤਾਨ` ਨਹੀਂ `ਸਥਾਨ` ਹੈ |

ਇਸ ਤੋਂ ਇਹ ਪਤਾ ਲੱਗਦਾ ਹੈ ਕਿ ਪਹਿਲਾਂ ਸਾਰੀ ਦੁਨੀਆ ਦੀ ਭਾਸ਼ਾ ਇੱਕ ਹੀ ਸੀ | ਜਿਸ ਤਰ੍ਹਾਂ ਕਿ ਬਾਈਬਲ ਵਿੱਚ ਵੀ ਲਿੱਖਿਆ ਹੈ |

ਅਤੇ , ਇਹ ਨਿਸ਼ਚਿਤ ਹੈ ਕਿ ਉਹ ਸੰਸਕ੍ਰਿਤ ਭਾਸ਼ਾ ਹੀ ਸੀ |

ਪਰੰਤੂ , ਪਾਕਿਸਤਾਨ ਦੇ ਨਾਲ ਅਜਿਹਾ ਨਹੀਂ ਹੈ |

ਜਦੋਂ ਇਹ ਦਿੱਸਣ ਲੱਗ ਪਿਆ ਕਿ ਮੁਸਲਮਾਨਾਂ ਨੂੰ ਧਰਮ ਦੇ ਅਧਾਰ `ਤੇ ਇੱਕ ਨਵਾਂ ਦੇਸ਼ ਮਿਲਣ ਵਾਲਾ ਹੈ ਤਾਂ ਇਹ ਚਰਚਾ ਹੋਣ ਲੱਗੀ ਕਿ ਉਸ ਦੇਸ਼ ਦਾ ਨਾਮ ਕੀ ਹੋਵੇਗਾ ?

ਪੰਜਾਬ ਖੇਤੀਬਾੜੀ ਵਿਸ਼ਵਵਿਦਿਆਲਾ , ਸਿਆਲਕੋਟ ਦੇ ਇੱਕ ਮੁਸਲਮ ਵਿਦਿਆਰਥੀ ਦੀ ਕਲਪਨਾ ਹੈ ਇਹ ਨਾਮ | ਉਸਨੇ ਇੱਕ ਲੇਖ ਲਿੱਖਿਆ ਕਿ ਜਿਹੜੇ-ਜਿਹੜੇ ਪ੍ਰਦੇਸ਼ ਨਵੇਂ ਦੇਸ਼ ਵਿੱਚ ਸ਼ਾਮਲ ਹੋਣਗੇ ਉਨ੍ਹਾਂ ਦੇ ਨਾਮ ਦੇ ਪਹਿਲੇ ਅੱਖਰਾਂ ਨੂੰ ਜੋੜ ਕੇ ਨਾਮ ਬਣੇਗਾ `ਪਾਕਿਸਤਾਨ` |

ਇਸ ਅੰਨ੍ਹੀ ਵੰਡ ਦਾ ਨਤੀਜਾ ਹੈ `ਪੇਸ਼ਾਵਰ ਕਾਂਡ` | ਪਿਛਲੇ ਸਾਲ 16 ਦਿਸੰਬਰ ਨੂੰ ਹੋਏ ਇਸ ਅਣਮਨੁੱਖੀ ਕਾਂਡ `ਤੇ ਲਿੱਖੀ ਗਈ ਹੈ ਕਵਿਤਾ `ਪੇਸ਼ਾਵਰ ਰੋਂਦਾ ਏ ਜ਼ਾਰੋ-ਜ਼ਾਰ ਲੋਕੋ !` |

ਗੱਲ ਤੁਹਾਡੇ ਦਿਲ ਤਕ ਪਹੁੰਚੇ ਤਾਂ ਸ਼ਾਬਾਸ਼ੀ ਦਿਆ ਜੇ |
✍
★ #ਪੇਸ਼ਾਵਰ ਰੋਂਦਾ-ਏ ਜ਼ਾਰੋ-ਜ਼ਾਰ ਲੋਕੋ ! ★

`ਪੇ` ਮੰਗਿਆ ਪਿਆਰੇ ਪੰਜਾਬ ਪਾਸੋਂ
ਨਾਲੇ ਉਸਦੀ ਵੱਢ ਲਈ ਸੱਜੀ ਬਾਂਹ ਲੋਕੋ
ਜਿੱਥੇ ਗਿੱਧੇ ਭੰਗੜੇ ਨੱਚਦੇ ਨੇ
ਜਿੱਥੇ ਸਿਰ ਤਲੀ ਧਰਨ ਦਾ ਚਾਅ ਲੋਕੋ

ਜਿੱਥੇ ਗੁਰੂਆਂ ਦੀ ਬਾਣੀ ਗੂੰਜਦੀ
ਜਿੱਥੇ ਵਗਦੇ ਪੰਜ ਦਰਿਆ ਲੋਕੋ
ਜਿੱਥੇ ਮਨੁੱਖਤਾ ਦੇ ਕਾਤਲ ਸਿਕੰਦਰ ਨੂੰ
ਮਹਾਰਾਜ ਪੁਰੂ ਨੇ ਭੁੰਜੇ ਦਿੱਤਾ ਲਾਹ ਲੋਕੋ

ਇੱਕ ਪਾਸੇ ਕੁੱਝ ਦਿਸਦੈ ਦਇਆ ਧਰਮ
ਦੂਜੇ ਪਾਸੇ ਗੁਆਚੀ ਹੈ ਗਾਂ ਲੋਕੋ
ਜਿੱਥੇ ਬਦਮਾਸ਼ਾਂ ਦਾ ਧਰਿਐ ਨਾਂਅ ਸ਼ਰੀਫ
ਜਿੱਥੇ ਸ਼ਰਾਫਤ ਲਈ ਨਹੀਂ ਕੋਈ ਥਾਂ ਲੋਕੋ

ਜਿੱਥੇ ਲੱਖਾਂ ਕਰੋੜਾਂ ਉੱਜੜ ਗਏ
ਅਤੇ ਘਰ ਹੋਏ ਸ਼ਮਸ਼ਾਨ
ਜਿਨਾਹ ਤੇਰਾ ਬਣ ਗਿਆ ਪਾਕਿਸਤਾਨ