#होई_कइसे_छठि_के_बरतिया-----?? (मेलोडी)

#होई_कइसे_छठि_के_बरतिया—–?? (मेलोडी)
________________________________________________
कठिन बरतिया, सजन परदेशिया-२ होतऽ बाटे मोर दुर्ततिया।
ऐ राजा , हालि आ जा होई कइसे छठि के बरतिया।-२

राह जोहतानी तोहरे दिन रतिया, सुनऽ मानिल सजना तू बतिया।
बितल दिवाली, बा अँखियाँ सवाली -२
बिते ना सुदिनवाँ के रतिया।

ऐ राजा , हालि आ जा होई कइसे छठि के बरतिया।-२

देखऽ वरत ई बहुत हि खास हो, घरवा अइबऽ लागल बाटे आस हो।
पकड़ि के गाड़ी तू लेत आवा साड़ी -२
आजा तोहके पुकारे ले धरतिया।

ऐ राजा , हालि आ जा होई कइसे छठि के बरतिया।-२’

हमारा लउकत कवनो न राह हो, नाहि तोहरे लागत बडुवे राह हो।
कब पड़ी पउरा, किनाईल ना दउरा-२
सचिन माई देस तोहके सुमतिया।

ऐ राजा , हालि आ जा होई कइसे छठि के बरतिया।-२’

✍️ संजीव शुक्ल ‘सचिन’