रागनी 30//धारा तीन सौ सत्तर तोड़, कर दिया कमाल मोदी//

धारा तीन सौ सत्तर तोड़, कर दिया कमाल मोदी
सारे विश्व मैं डंका बाजै, भारत माँ का लाल मोदी..!!टेक!!

कानून बणा दिया इसा, होगे नागरिक एक समान,
विरोध करते फिरै लालची, कुछ सत्ता के भुखे इंसान,
गद्दारो तुम सुनो ध्यान तै, थारी घलन दे ना दाल मोदी..!!१!!

राजनिति तै उपर उठकै, सदा देश हित में काम करा,
थर थर कांपै दुश्मन सारे , जग में हिन्द का नाम करा,
आजादी दे दी सेना तै, करै हर जवान का ख्याल मोदी..!!२!!

पाकिस्तान सुन ध्यान तै, ना तै बकल फोड़ा जागा,
कश्मीर का ख्याल छोड़ दें, इब हिंद में POK जोड़ा जागा,
रहिए अपनी औकात मै, ना तै कर देगा कंगाल मोदी..!!३!!

म्हारी संस्कृति म्हारे स्वाभिमान का यो अंदाज सही सै,
मनजीत पहासौरिया कहैरा सै, राजा का राज सही सै,
भारत माता की सच्चे मन तै, कररा सै सम्भाल मोदी..!!४!!