Read/Present your poetry in Sahityapedia Poetry Open Mic on 30 January 2022.

Register Now
· Reading time: 1 minute

अइतू तनि लेतू तू जिआई,

माहुर अस लागत आ ई जुदाई,
अइतू तनि लेतू तू जिआई,

हकसल पिआसल मन धावे तोहरे लगे,
नेहिया के पानी में बोलिया के भेली,
घोरि तनि देतू तू पिआई,
अइतू तनि लेतू तू जिआई,

सुरतिया के दरसन के आतुर इ अंखिया,
बिन लोर होइ गइलें सूखअल पोखरिया,
सुरति तनि जइतू तू देखाई,
अइतू तनि लेतू तू जिआई,

जइसे कदुआ पे होखे सितुहा भी चोख,
सवनवा कसाई करे पोरे पोरे चोट,
अइतू तनि देतू सोहराई,
अइतू तनि लेतू तू जिआई,

हूँक रहि रहि के बा अंगुरियावत हिया के,
धई के अंकवारी में बा चापत जिया के,
आइ गरवा से लेतू लगाई,
अइतू तनि लेतू तू जिआई,

– गोपाल दूबे

57 Views
Like

Enjoy all the features of Sahityapedia on the latest Android app.

Install App
You may also like:
Loading...