11 Dec 2023 · 1 min read

👰🏾‍♀कजरेली👰🏾‍♀

मैं गरीब घर के बोईर कांटा
छितका कुरिया मड़वा कईसे हमाही।
कारी देह हरदी नई भावय
सोलह-श्रृंगार मोला देख लजाही।
🍁🍁🍁🍁🍁🍁
पाहौं मया मितान बड़बोला
के जुच्छा बासी मोला खवाही।
अनाथ रही जाहौं दुनिया लुकाये
के भाँवर मोर अंगना पराही।।
🍁🍁🍁🍁🍁🍁
महुआ बुड़े मोर शौहर के मन
के अंगना के तुलसी मोला बनाही।
चाऊंर पाहौं पिरोही बरोबर
के सादा चुरी मोर दिन पहाही।
🍁🍁🍁🍁🍁🍁
छैंहा रही मइके के मया
के कारी ल कारी बादर खाही।
सोना उपजाहौं कोरा म कइठन
के कारी के छैंहा म पीढ़ी नंदाही।
🍁🍁🍁🍁🍁🍁
मोंगरा बने मैं फूलीहौं दमक के
के विरथा जवानी कांटा कस गढ़ही।
लक्ष्मी सुमरही पारा परोसीन
के ताना दिही कहिके कारी अऊ अढ़ही।
🍁🍁🍁🍁🍁🍁
बरही मोर हाँथ ले सत के दिया
के बारोंड़ा के बहनी मोला बनाही।
भर दे आशीष मोर झोली हे! इन्द्र
ये कारी अपन जीनगी लूटाही।

🔥सुरेश अजगल्ले”इन्द्र”🔥

खरौद नगर

Language: Chhattisgarhi

Tag: Poem

207 Views

📢 Stay Updated with Sahityapedia!
Join our official announcements group on WhatsApp to receive all the major updates from Sahityapedia directly on your phone.

👰🏾‍♀कजरेली👰🏾‍♀

You may also like these posts