#ਤੂੰ ਚੋਰ ਬਣ ਜਾ ਭਾਵੇਂ ਠੱਗ ਹੋ ਜਾ
✍
★ #ਤੂੰ ਚੋਰ ਬਣ ਜਾ ਭਾਵੇਂ ਠੱਗ ਹੋ ਜਾ ★
ਸੂਰਜ ਦੇਵੇ ਜ਼ਿੰਦਗੀ
ਮੱਥੇ ਲਿਸ਼ਕਾਂ ਮਾਰੇ
ਝਾਲ ਨਾ ਝੱਲੀ ਜਾਵੇ ਉਸਦੀ
ਪਿੱਠ ਸਾਰਾ ਸੇਕ ਸਹਾਰੇ
ਅਸਾਂ ਕਰਨੀਐ ਅੱਖਾਂ ਨੂੰ ਟਕੋਰ ਸੱਜਣਾ
ਸੂਰਜ ਨਹੀਂ ਤੂੰ ਅੱਗ ਹੋ ਜਾ
ਪੱਲਾ ਸਿਰ `ਤੇ ਨਹੀਂ ਲਿੱਟਾਂ ਖੁੱਲੀਆਂ ਨੇ
ਤੂੰ ਚੋਰ ਬਣ ਜਾ ਭਾਵੇਂ ਠੱਗ ਹੋ ਜਾ
ਤੂੰ ਚੋਰ ਬਣ ਜਾ ਭਾਵੇਂ . . . . .
ਬੱਦਲ ਵਰ੍ਹਦੇ ਤੱਪਦੀ ਧਰਤੀ
ਪਲ-ਦੋ-ਪਲ ਹੀ ਮੌਜ ਮਨਾਵੇ
ਗੰਡੋਇਆਂਮੋਈ ਜੀਵਣਜੋਗੀ ਨੂੰ
ਨਾ ਬੁੱਕ ਬਨਾਉਣੀ ਆਵੇ
ਖੂਹ ਪਿਆਰ ਵਾਲੇ ਬੈਠੇ ਹਾਂ ਚਿਰੋਕਣੇ ਅਸੀਂ
ਦਿਲ ਹੋਇਐ ਵਲਟੋਹੀ ਤੂੰ ਲੱਜ ਹੋ ਜਾ
ਤੂੰ ਚੋਰ ਬਣ ਜਾ ਭਾਵੇਂ . . . . .
ਸੌ ਗਜ਼ ਰੱਸਾ ਸਿਰ `ਤੇ ਗੰਢ
ਨਾ ਜਾਣੇ ਅਕਲੋਂ ਸੱਖਣਾ
ਦੁੱਧ-ਘਿਓ ਮਾੜਿਆਂ ਜੋਗੇ
ਸਾਨੂੰ ਤੂੰ ਹੀ ਜੱਚਦੈਂ ਮੱਖਣਾ
ਲੋਕੀ ਲੈ ਚਿਟਕੋਰੇ ਪਏ ਖੇਹ ਉਡਾਂਵਦੇ
ਚਿੱਟੀ ਚਾਨਣੀ ਸਿਰ ਉੱਤੇ ਪੱਗ ਹੋ ਜਾ
ਤੂੰ ਚੋਰ ਬਣ ਜਾ ਭਾਵੇਂ . . . . .
ਜਾਵਣ ਪੰਛੀ ਆਵਣ ਪੰਛੀ
ਰੁੱਖ ਰਹਿਣ ਖਲੋਤੇ
ਮੱਝੀਆਂ-ਗਾਈਆਂ ਕਿੱਲੇ ਬੰਨ੍ਹੀਆਂ
ਧਰਤੀ ਨਾਪਣ ਬੱਲਦ ਤੇ ਬੋਤੇ
ਇੱਜੜ ਸੱਧਰਾਂ ਸਾਡੀਆਂ ਦਾ ਬਣ ਆਜੜੀ
ਸਾਰੀਆਂ ਅੱਪੜਨ ਡੇਰੇ ਐਸਾ ਚੱਜ ਹੋ ਜਾ
ਤੂੰ ਚੋਰ ਬਣ ਜਾ ਭਾਵੇਂ . . . . .
ਚੰਨ ਤੇ ਸੂਰਜ ਸੱਚੇ ਯਾਤਰੂ
ਨਾ ਰੁਕਦੇ ਨਾ ਥੱਕਦੇ
ਚੰਗੀ-ਮਾੜੀ ਸੱਭ ਦੀ ਤੱਕਦੇ
ਕਿਸੇ ਨੂੰ ਨਹੀਂਓਂ ਦੱਸਦੇ
ਭਾਗਾਂ ਵਾਲਿਆਂ `ਤੇ ਮਿਹਰ ਭਗਵਾਨ ਕਰੇ
ਭਾਗਾਂ ਵਾਲੇ ਹੋਈਏ ਅਸੀਂ ਤੂੰ ਭੱਗ ਹੋ ਜਾ
ਤੂੰ ਚੋਰ ਬਣ ਜਾ ਭਾਵੇਂ . . . . . !
#ਵੇਦਪ੍ਰਕਾਸ਼ ਲਾਂਬਾ
ਯਮੁਨਾਨਗਰ (ਹਰਿਆਣਾ)
94660-17312
