बुंदेली दोहे-फतूम (गरीबों की बनियान)

बुंदेली विषय – फतूम ( किसान की बनियान )

#राना तकी फतूम है,पैरै रात मजूर।
गिरत पसीना ओइ पै,अजब मिलत दस्तूर।।

जौ गरीब गुरवाँ रयै ,जुरबै अगर फतूम।
उयै धाँद खुश हौत हैं ,#राना लैतइ चूम।।

खेत किसानी में दिखी ,पैरै सबइ फतूम।
#राना हँसकै काम खौं,करै दिसन में घूम।।

जब फतूम गंदी दिखे, #राना लैतइ फींच।
रगड़त पथरा पै उयै,दो हातन से खींच।।

बुंदेली बनियान है, #राना कात फतूम।
पैरत मुंसेलू इतै,नाचै गाँबैं झूम।।

एक हास्य दोहा –

धना कात #राना सुनौ ,घलीं मुगरियाँ चार।
फट गइ आज फतूम है , हो गइ टोकेदार।।
🤑🙋दिनांक-15-7-2024
✍️ राजीव नामदेव”राना लिधौरी”
संपादक “आकांक्षा” पत्रिका
संपादक- ‘अनुश्रुति’ त्रैमासिक बुंदेली ई पत्रिका
जिलाध्यक्ष म.प्र. लेखक संघ टीकमगढ़
अध्यक्ष वनमाली सृजन केन्द्र टीकमगढ़
नई चर्च के पीछे, शिवनगर कालोनी,
टीकमगढ़ (मप्र)-472001
मोबाइल- 9893520965
Email – ranalidhori@gmail.com