बदरा बरस गईल

कवना दूर देश से आके
बदरा बरस गईल
तहरा एगो झलक खातिर
नयना तरस गईल
(१)
फेर गूंजे लागल बगिया में
पीहू-पीहू के गीत
फेर गूंजे लागल बगिया में
कूहू-कूहू के गीत
एगो टीस उठल जियरा में
हियरा तड़प गईल…
(२)
रंग-बिरंगा पांख फइलाके
नाचे लागल मोर
रंग-बिरंगा पांख फइलाके
झूमे लागल मोर
एगो हूक उठल जियरा में
हियरा तड़प गईल…
(३)
डाल-पात सगरी हरियाइल
प्रेम के छुअन पाके
फूल-कली सगरी लहराइल
प्रेम के चुम्बन पाके
एगो कसक उठल जियरा में
हियरा तड़प गईल…
(४)
बरगद-नीम पर झूला लागल
सखिया गावें कजरी
पीपल-आम पर झूला लागल
सखिया गावें कजरी
एगो पीर उठल जियरा में
हियरा तड़प गईल…
#Geetkar
Shekhar Chandra Mitra
#प्रेमी #प्रेमिका #प्यार #जवानी
#वर्षा_गीत #बारिश #बरखा #प्रेम
#जुदाई #विरह #बिछोह #वेदना
#सावन #भादो #rainsong #पीर
#sadsongs #lyrics #भोजपुरी