देशवा के बचालअ

मजदूरवा भईया हो
किसानवा भईया हो
अपना देश के बचालअ अब
कारीगरवा भईया हो…
(१)
तू देश औरी दुनिया के
राखअ खबरिया
चाल पर समय के एगो
राखअ नज़रिया
लेखकवा भईया हो
पत्रकरवा भईया हो
अपना देश के बचालअ अब
कलाकारवा भईया हो…
(२)
तू अपने जागअ औरी
लोगो के जगावअ
ज्ञान के अंजोरिया
चारू ओर फइलावअ
शिक्षकवा भईया हो
विद्यर्थिया भईया हो
अपना देश के बचालअ अब
बुद्धिजीविया भईया हो…
(३)
हाकिम के रोब आख़िर
केतना तू सहबअ
अजदिए ना रही तअ
कांहवा तू रहबअ
पुलिसिया भईया हो
फौजिया भईया हो
अपना देश के बचालअ अब
अफसरवा भईया हो…
(४)
मुलजिम के मुंह देखके
फैसला मत सुनावअ
क़ानून आ बेवस्था के
माजाक मत उड़ावअ
जजवा भईया हो
वकीलवा भईया हो
अपना देशवा के बचालअ अब
गवाहवा भईया हो…
#Geetkar
#कविता #शायरी #राजनीति #फिल्म
#poetry #हकमारी #BanEVM #मीडिया #आह्वान #जनवादी #भोजपुरी #गीतकार
#ElectionCommission #revolution
#क्रांति #विद्रोह #नवजागरण #अपील
#SupremeCourt #हल्लाबोल