दुवरा पे आइल दुल्हा
दुवरा पे आइल भिखमंगा दुल्हा सखी देखऽना हो
देखऽना सखी हो देखऽना सखी
लागेला हवे बकलोल दुल्हा सखी देखऽना हो
दुवरा पे आइल भिखमंगा दुल्हा सखी देखऽना हो
दुल्हा के बाबू के गाड़ी ना बाटे
ओही से भीख में बुलेट लेले बाटे
मांगे सोना के सिकड़ी भिखमंगा दुल्हा सखी देखऽना हो
दुवरा पे आइल भिखमंगा दुल्हा सखी देखऽना हो
दुल्हा के माई-बहिन के कपड़ा ना जुरल
बाबू जी भेजले तऽ इच्छा उनकर पुरल
जयमाला के करें डिमांड भिखमंगा दुल्हा सखी देखऽना हो
दुवरा पे आइल भिखमंगा दुल्हा सखी देखऽना हो
एकरा तऽ पेन्हे के भगई ना रहे
कोट पाइट शेरवानी मांगत रहे
सब देला पे आइल भिखमंगा दुल्हा सखी देखऽना हो
दुवरा पे आइल भिखमंगा दुल्हा सखी देखऽना हो
लागेला हवे बकलोल दुल्हा सखी देखऽना हो
दुवरा पे आइल भिखमंगा दुल्हा सखी देखऽना हो
———————-०००————————-
@जय लगन कुमार हैप्पी
बेतिया, बिहार।
