आगी में दहेज के

सगरी उमिरिया भले
रहेब हम कुंआर
मोरी मइया हो
तू मत बेचअ
घरवा दुआर
मोरी मइया हो…
(१)
रखले बाड़ू अबले जेके
गोदी में सहेज के
ओके काहे जरे भेजेलू
आगी में दहेज़ के
बन गइनी का हम तहरा
सिरवा के भार
मोरी मइया हो
तू मत बेचअ
घरवा दुआर
मोरी मइया हो…
(२)
हम पढ़-लिखके जीवन में
अइसन काम करेब
दुनिया भर में अपना देश के
ऊंचा नाम करेब
आज हंसे दअ हंसे जेतना
गंउवा-जवार
मोरी मइया हो
तू मत बेचअ
घरवा दुआर
मोरी मईया हो…
#Geetkar
Shekhar Chandra Mitra
#Feminism #नारीवाद #Dahej #शक्ति
#chance #dowrysystem #स्त्रीशिक्षा
#नारीवाद #GirlsEducation #गायिका
#women #मौका #गीतकार #भोजपुरी
#कवि #शायर #lyricist #singer
#filmindustry #cinema #गायक