अँगना में कोसिया भरावेली
![](https://cdn.sahityapedia.com/images/post/994b5a17e3e0dbcfc087e4c7303f6cd4_eddc4ca5b49af5d084970845e7cf9469_600.jpg)
पोड़े- पोड़े उखवा छठिय माई घटवा पऽ बरती चढावेली हो।-२
अंगना में कोसिया भरावेली गुन- गीत गावेली हो।-२
कठिन बरतिया कठिन बा नियमवा
तोहरे में रमल बडुवे छठि माई मनवा।-२
धीरे-धीरे देत भूइपरिया छठिय माई के, घटवा पऽ आवेली हो-२
अंगना में कोशिया भरावेली गुन- गीत गावेली हो।-२
सुपवा में सेउवा अनरवा आ केरवा
नरियर के फल लेई खाड़ देखीं बेरवा-२
भोरे भोरे खाड़ होके क्षीर बीच दिनकर के बरती मनावेली हो।-२
अंगना में कोशिया भरावेली गुन- गीत गावेली हो।-२
शुकुल सचिन खाड़ छठि दरबरवा
सत्यम आदित यामिनी गावे भजनवा-२
पोरे पोर पुलकित तिवाई ध्यान धरेली आसरा लगावेली हो।-२
अंगना में कोशिया भरावेली गुन- गीत गावेली हो।-२
✍️ संजीव शुक्ल ‘सचिन’