कन्या भ्रूण हत्या
पापा पापा पापा पापा सुन हमारि बतिया
पापा हमका न मारो हम तोहारि बिटिया
हम तो अजन्मो कन्या देखी नही दुनियाँ
दुनियां म आवै देव उठाय लेहु कनियाँ
पापा कसम से खिलौना न तो मांगब गुड़िया।
पापा हमका न मारो हम तोहारि बिटिया
दुसरी कसम तुम पर बोझ नाइ बनिबै
लरिकन ते ज्यादा पापाकमाई खवईबै
घर के काम करब फरिका ओ बन्धइबै टटिया।
पापा हमका न मारो हम तोहारि बिटिया
बैंक की किताब चश्मा लाठिव तुम्हारी
आई बुढ़ापा पापा होई लाचारी
तुमका दवा पानी दयाबै जब पकरिहो खटिया।
पापा हमका न मारो हम तोहारि बिटिया
माना दहेज क्यार दानव बड़ा है
बहु बेटियन की मौत बनिकै खड़ा है
हो मैका ससुरा संभरिबै दिन दुपहरी रतिया।
पापा हमका न मारो हम तोहारि बिटिया
आशु कवि नीरज
अवस्थी
खमरिया पंडित खीरी
मो0 9919256950
